एजेन्सी । संयुक्त राष्ट्रका महासचिव एन्टोनियो गुटेरेसले गाजामा इजरायलको सैन्य रणनीति र जीवन बचाउनको लागि सहायता वितरणमा परिवर्तन गर्न आह्वान गर्नुभएको छ । उहाँले सहायता दिन पुगेका सात जनाको हत्यापछि इजरायलले गल्ती स्वीकार गरेको भएपनि पर्याप्त नहुने बताउनु भयो ।
संयुक्त राष्ट्र संघलाई पनि इजरायली सरकारले गाजामा वितरण गरिएको मानवीय सहायतामा उल्लेखनीय वृद्धि गर्न अनुमति दिने आफ्नो मनसायको बारेमा जानकारी गराएको बताउनु भयो । गुटेरेसले तत्काल मानवीय युद्धविराम, सबै बन्धकहरूको बिना शर्त रिहाइ, नागरिकहरूको सुरक्षा, र मानवीय सहायताको निर्बाध वितरणको लागि अपिल गर्नुभयो ।