काठमाडौँ- सुदूरपश्चिम प्रदेशको मुख्यमन्त्रीमा नागरिक उन्मुक्ति पार्टीका सांसद लक्ष्मण किशोर चौधरीले दाबी पेश गर्नु भएको छ ।
नेपाली कांग्रेस संसदीय दलका नेता कमलबहादुर शाह, नागरिक उन्मुक्ति पार्टी संसदीय दलका नेता घनश्याम चौधरी र एकीकृत समाजवादी संसदीय दलका नेता दीर्घ सोडारीको हस्ताक्षरसहित चौधरीले मुख्यमन्त्रीमा दाबी पेश गर्नु भएको हो ।
यसअघि आज विहान सत्तारुढ नेकपा एमाले, माओवादी केन्द्र, नेकपा एकीकृत समाजवादी र नाउपाबीच बालुवाटारमा भएको छलफलमा नाउपालाई मुख्यमन्त्री दिने सहमति बनेको थियो । नाउपाकी अध्यक्ष रन्जिता श्रेष्ठले सुदूरपश्चिमम सरकारको पहिलो नेतृत्व नाउपाले गर्ने सहमति जुटेको र सत्ता गठबन्धनसँग मिलेर सरकार बनाउने बताइरहँदा उता बैकल्पिक गठबन्धन बनेको छ ।