काठमाडौं –  नेपाली कांग्रेसका सभापति गगन थापाले लोकतान्त्रिक संघर्षबाट प्राप्त उपलब्धिहरूलाई केवल इतिहासका पानामा मात्र सीमित राख्न नहुने बताएका छन् । शुक्रबार (वैशाख ११) लोकतन्त्र दिवसको अवसरमा शुभकामना सन्देश जारी गर्दै सभापति थापाले जनजीवनमा अनुभूत हुने व्यवस्था बनाउन सक्नु नै साझा दायित्व हुने बताए ।

“आजको यथार्थमा अपेक्षा र उपलब्धिबीचको दूरी घटाउन नसकिएको गुनासो छ । तर, यसको समाधान लोकतन्त्रको विकल्प , अझ सुदृढ, उत्तरदायी र जनमुखी लोकतन्त्र नै हो,” उनले भनेका छन् ।

उनले संविधानको मर्मलाई व्यवहारमा उतार्दै सुशासन र विकासमार्फत जनताको विश्वास जित्नु आजको आवश्यकता रहेको बताए ।