काठमाडौँ- नेपालस्थित पाकिस्तानी दूतावासले पाकिस्तान नेपाल अलुम्नाईसँगको सहकार्यमा नागार्जुन नगरपालिकाको वडा ४ मा ‘निःशुल्क चिकित्सा शिविर’ आयोजना गरेको गरेको छ ।
पाकिस्तानबाट स्नातक गरेका डाक्टरहरूले ज्येष्ठ नागरिक, महिला र बालबालिका लगायत स्थानीय बासिन्दालाई चिकित्सा सेवा प्रदान गरेको पाकिस्तानी दूतावासले जनाएको छ । त्यस अवसरमा एक सयभन्दा बढी बिरामीको स्वास्थ्य जाँच गरिएको थियो । स्वयंसेवक चिकित्सकहरूले थोरै बिरामीलाई अन्य अस्पतालमा पनि रेफर गर्नुका साथै आवश्यक औषधी पनि निःशुल्क वितरण गरिएको थियो ।
त्यस अवसरमा नागार्जुन नगरपालिकाका उपप्रमुख सुशीला अधिकारीले नागार्जुन नगरपालिकाका बासिन्दाका लागि निःशुल्क स्वास्थ्य शिविरको व्यवस्था गरेकोमा पाकिस्तानी दूतावास र अलुम्नाईलाई धन्यवाद दिनु भयो ।
अलुम्नाईका डा. दीपक मिश्राले नेपालको चिकित्सा क्षेत्रका लागि पाकिस्तानी दूतावासको प्रयासको प्रशंसा गर्नुभयो र सहयोगको लागि धन्यवाद दिनुभयो ।
