काठमाडौं । नेपाल पर्यटन बोर्डमा रिक्त रहेका तीन जना सञ्चालक समिति चयनका लागि पाँच जनाको नाम सिफारिस गरिएको छ । पर्यटन व्यवसायी ठाकुरराज पाण्डेको नेतृत्वमा गठित बोर्ड सदस्य छनोट तथा सिफारिस समितिले मंगलबार पाँच जनाको नाम मन्त्रिपरिषद्मा सिफारिस गरेको हो ।
समितिले पर्यटन व्यवसायी अभिषेक विक्रम शाह,अम्बर जंग गुरु, राजेन्द बहादुर लामा,ऋषि भण्डारी र राम प्रसाद सापकोटालाई अन्तिम ५ मा छनोट गरेको छ ।
२०८० माघ २२ गते आफ्नो तीन वर्षे कार्यकाल पूरा गर्दै उपाध्यक्ष समेत रहेका चन्द्र रिजालसहित सदस्यद्वय कृष्ण शाह र नवाङ मिया शेर्पा बोर्डबाट बाहिरिएसँगै पर्यटन बोर्डमा तीन जना सदस्यको पद रिक्त भएपछी बोर्ड सदस्यका लागि २३ जना व्यवसायीहरूले आवेदन दिएका थिए ।
प्रतिक्रिया
सम्बन्धित समाचार
