काठमाडौँ – सरकारले रसुवामा आएको बाढीबाट प्रभावित नागरिकको आपतकालीन उद्धार तथा राहत कार्यलाई तीव्रता दिने निर्णय गरेको छ।
बुधबार बसेको मन्त्रिपरिषद्को बैठकले रसुवामा बाढीका कारण उत्पन्न परिस्थितिको समीक्षा गर्दै उद्धार तथा राहत कार्यलाई थप प्रभावकारी र तीव्र बनाउने निर्णय गरेको हो।
बैठकले बाढी प्रभावितको उद्धार, सुरक्षित स्थानान्तरण, राहत वितरण, सूचना तथा सञ्चार, स्वास्थ्य सेवा, आवश्यक जनशक्ति परिचालन, बजेट व्यवस्थापन तथा पूर्वाधार निर्माण लगायतका विषयमा तत्काल आवश्यक समन्वय र काम अघि बढाउने निर्णय गरेको छ।
सरकारले सम्बन्धित मन्त्रालय तथा निकायलाई आवश्यक स्रोत–साधन परिचालन गर्दै प्रभावित क्षेत्रमा उद्धार, राहत र पुनःस्थापनासम्बन्धी कामलाई प्राथमिकताका साथ अघि बढाउन निर्देशन दिएको छ।
प्रतिक्रिया
सम्बन्धित समाचार
