काठमाडौँ, २९ माघ । ग्राण्डी अन्तर्राष्ट्रिय अस्पताल धापासीले प्रेमदिवस अर्थात् ‘भ्यालेन्टाइन डे’लाई लक्षित गरेर विभिन्न अफर सार्वजनिक गरेको छ ।

नेपालको स्वास्थ्य क्षेत्रमा अग्रणी संस्थाका रुपमा स्थापित ग्राण्डीले फ्रेबुबरी १४ अर्थात् प्रेम दिवसलाई लक्षित गरेर जोडीलाई स्वास्थ्य सेवामा विशेष छुटको योजना सार्वजनिक गरेको हो ।

अस्पतालका महाप्रबन्धक विकासमान सिंहले प्रेमी÷प्रेमीकाका लागि विशेष दिनको रुपमा रहेको प्रेम दिवसलाई थप यादगार बनाउनका लागि ग्राण्डीले स्वास्थ्य क्षेत्रमा विशेष सहुलियतको व्यवस्था मिलाइएको जानकारी दिनुभयो । “ग्राण्डीले दिने सहुलियत फ्रेबुबरी १४ देखि फ्रबुबरी २८ सम्म कायम रहन्छ,”–महाप्रबन्धक सिंहले भन्नुभयो ।

रु १४ हजार ५०० को प्याकेजमा डक्टर कन्सल्टेन्ट, सिविसी, ब्लड सुगर, लिपिड प्रोफाइल, थाइराईड टेष्ट, सोडियम, पोटासियम, एसजीपीटी, एसजीओटी, युरिक एसिड, युरीन, एक्सरे, युएसजी, इसिजी, ईको, टिएटी, भिटामीन डि, मेमोग्राफीलगायतका सेवा प्रदान गरिने अस्पतालले जनाएको छ ।

उक्त रकममा एक जोडीले सेवा लिनसक्ने महाप्रबन्धक सिंहको भनाई छ । यसअघि उक्त सेवाका लागि ग्राण्डी अस्पतालले एकजनालाई रु १५ हजार लिँदै आएको थियो ।