एजेन्सी । अर्जेन्टिनाका स्टार फुटबलर लिओनल मेसीले प्रतिष्ठित बालोन डि’ओर अवार्ड जितेका छन् । ३४ वर्षीय मेसीले यो अवार्ड कीर्तिमानी सातौ पटक जितेका हुन् ।

यो सिजन बार्सिलोनाबाट फ्रेन्च क्लब पेरिस सेन्ट जर्मेन (पिएसजी) गएका उनले बार्यन म्युनिख तथा पोल्याण्डका रोबर्ट लेभान्डोस्की, चेल्सी तथा इटलीका जोर्जिन्हो र रियल मड्डि तथा फ्रान्सका करिम बेन्जिमालाई पछि पारे ।

उनले यो वर्ष अर्जेन्टिनालाई कोपा अमेरिकाको उपाधि जिताउन मदत गरेका थिए ।

उनले सिनियर टिमबाट देशका लागि जितको यो अन्तराष्टिय उपाधि समेत रहेको छ । साथै उनले यो सिजन ४० गोल समेत गरेका थिए ।

मेसीले २००९, २०१०, २०११, २०१२, १०१५, २०१९ र २०२१ गरी सात पटक यो अवार्ड जित्न सफल रहे ।