संखुवासभा । संखुवासभाका काँग्रेस प्रवेश गर्ने स्थानीयबासीले संखुवासभाको विकास दिपक खड्काले मात्र गर्ने बताएका छन् । विभिन्न राजनीतिक दल छाडेर देशभर काँग्रेस प्रवेश गर्ने लहर बढीरहेको बेलामा संखुवासभामा पनि पछिल्लो समय झण्डै एक हजार युवा विभिन्न पार्टी परित्याग गरी काँग्रेस प्रवेश गरेका छन् ।
काँग्रेस प्रवेश गर्ने मादी नगरपालिका उम्लिङका जनताले नेता खड्काले संखुवासभामा गरेको विकास देखेर आफु काँग्रेस प्रवेश गरेको बताएका छन् ।
संखुवासभामा काँग्रेस प्रवेश गर्नेहरुले त्यहाँका पूर्वसांसद एवम् पूर्व खानेपानी तथा सरसफाईमन्त्री दिपक खड्कालाई विकासप्रेमी नेताका रुपमा लिएको बताए ।
उनीहरुले भनेका छन्, “केन्द्रदेखि स्थानीय तहमा झण्डै दुईतिहाई स्थानमा जितेको नेकपा सरकारले केही काम गर्न सकेन, सत्तामा नरहँदा पनि दिपक दाईले संखुवासभाको विकासलाई तीव्रता दिनुभएको छ, उहाँजस्ता नेताको खाँचो अहिले देशमा छ,” ।
विस २०७० सालको संविधान सभाको निर्वाचनमा संखुवासभाबाट विजयी हुनुभएका दिपक खड्काले आफ्नो सांसद र मन्त्री भएवापत पाउने पारिश्रमिकसमेत जनताको सेवामा खर्चनुभएको थियो । काँग्रेस प्रवेश गर्नेहरुले काँग्रेसभित्र देखिएको विवादसमेत मिलाउनका लागि नेता खड्कालाई आग्रह गरेका छन् ।
