काठमाडौं , ४ कात्तिक
बेलायतका एकजना युट्युबेले बर्गर हसुरेर गिनिज बुकमा नाम लेखाएका छन् । लण्डनका बासिन्दा ३४ वर्षीय म्याक्स स्टान्फोर्डले एक घण्टा भन्दा कम समयमा म्याक डोनाल्डका २३ वटा भेगान बर्गर बुत्याए ।
२३ वटा बर्गर खाएको म्याक्स भर्सेस फूड शीर्षकको भिडियो उनले आफ्नो युट्युब च्यानलमा अपलोड गरेका छन् । उनले २५ वटा बर्गर खाएर १० हजार क्यालेरी उर्जा प्राप्त गर्ने लक्ष्य राखेको भएपनि २३ वटा मात्र खान सकेका थिए ।
स्टानफोर्डले किर्तिमानी सहित खाएका बर्गर म्याकडोनाल्डका पछिल्ला उत्पादन हुन् । पूर्णरुपमा वनस्पतीजन्य उत्पादनबाट बनाइएको उक्त बर्गरमा भेगान चिज र भेगान स्याण्डविच ससको प्रयोग गरिएको छ। म्याकडोनाल्डले परीक्षणको रुपमा उक्त म्याक प्लान्ट नामक बर्गर उत्पादन सुरु गरेको हो ।
स्नाडफोर्डले भनेका छन्, ‘यो नयाँ बर्गरका बारेमा धेरै चर्चा भयो । र, मैले पनि सधै नयाँ खानेकुराको स्वाद लिने प्रयास गर्दछु ।
आफुले सुरुमा २५ वटा बर्गर खाने लक्ष्य लिएको भएपनि २० औँ बर्गर खान सुरु गर्दाखेरी नै आफुलाई चुनौति कति कठीन छ भन्ने महसुस भैसकेको उनी बताउँछन् ।
५९ मिनेट ४५ सेकेण्डमा उनले २३ वटा बर्गर खाएर सिध्याएका थिए । एजेन्सी
