६ मङ्सिर, काठमाडौं । काठमाडौंमा जारी शहिद स्मारक ए डिभिजन लिग फुटबलअन्तर्गत आर्मी र पुलिसबीच भएको खेल बराबरीमा सकिएको छ ।
त्रिपुरेश्वरस्थित दशरथ रंगशालामा दिउँसो १ बजे सुरु भएको नेपाल आर्मी क्लब र नेपाल पुलिस क्लबबीचको खेल १-१ को बराबरीमा सकिएको हो ।
खेलको ५१ औँ मिनेटमा पुलिसका सन्तोष हेमरामले गोल गर्दै अग्रता दिलाएका थिए । त्यस्तै खेलको ८७ औँ मिनेटमा आर्मीका टेकबहादुर बुढाथोकीले गोल गर्दै खेललाई बराबरीमा ल्याएका थिए ।
बराबरीसँगै आर्मी र पुलिसले १ -१ अंक बाँड्दै चित्त बुझाएका छन् ।
प्रतिक्रिया
