काठमाडौँ, १७ फागुन । सङ्घीय राजधानी काठमाडौँको प्रमुख पर्यटकीय गन्तव्य ठमेलमा निःशुल्क दन्त परिक्षण सञ्चालन गरिएको छ ।
काठमाडौँ महानगरपालिका वडा नं २६ चाक्सीवारीस्थित जेन स्पा सेन्टरमा विदेशी डाक्टरद्धारा निःशुल्क दन्त परिक्षण गरिएको हो ।
सुस्मा कोइराला मेमोरियल अस्पताल साँखुका दन्त विभाग प्रमुखसमेत रहनुभएकी जर्मनी डाक्टर साइवेली केलरले दन्त परिक्षण गर्नुभएको हो । उक्त कार्यक्रममा ६३ जनाले दन्त परिक्षण गर्नुभएको जेन स्पाका सञ्चालक रामदेव महतोले जानकारी दिनुभयो ।
सञ्चालक महतोका अनुसार संस्थाको सार्वजनिक उत्तरदायित्वको कार्यक्रमअन्तर्गत उक्त कार्यक्रम गरिएको हो । सो अवसरमा ठमेल क्षेत्रका पर्यटन व्यवसायी जेन स्पामा कार्यरत सञ्चालक, कर्मचारी साथै सेवाग्राहीले दन्तपरिक्षणको सेवा लिनुभएको थियो ।
प्रतिक्रिया
सम्बन्धित समाचार
