काठमाडौँ, २५ फागुन । ग्राण्डी अन्तर्राष्ट्रिय अस्पताल धापासीले महाशिवरात्री पर्वका अवसरमा पशुपतिनाथ मन्दिर परिसरमा ‘आकस्मिक स्वास्थ्य सेवा’ प्रदान गरेको छ ।
ग्राण्डीले महाशिवरात्री पर्वको शुभ अवसरमा पशुपति मन्दिर क्षेत्रमा आउने श्रद्धालु भक्तजनको सुविधाका लागि निःशुल्क ‘आकस्मिक स्वास्थ्य सेवा’ प्रदान गरेको हो ।
अस्पतालका मार्केटिङ विभाग प्रमुख भास्करकुमार दासले हरेक वर्ष झैँ यसवर्ष पनि महाशिवरात्रीको अवसरमा पशुपतिनाथको दर्शन गर्न आउने भक्तजनको सुविधाका लागि ग्राण्डीले ‘आकस्मिक स्वास्थ्य सेवा’ प्रदान गरिएको जानकारी दिनुभयो ।
ग्राण्डीले आज विहान ७ बजेदेखि साँझ ६ बजेसम्म ‘आकस्मिक स्वास्थ्य सेवा’ प्रदान गर्ने जनाएको छ ।