काठमाडौँ । विश्व मुख स्वास्थ्य दिवसको अवसरमा बुधबार कान्तिपुर डेन्टल कलेज टिचिङ हस्पिटल एण्ड रिसर्च सेन्टर (केडीसी)ले जनचेतनामुलक प्रभातफेरी कार्यक्रमको आयोजना गरेको छ ।
विहान ८ बजे अस्पताल परिसरबाट सुरु भएको प्रभातफेरीमा विद्यार्थी, शिक्षकहरुको उपस्थिति रहेको थियो । सहभागी विद्यार्थीहरुले मुख तथा दन्त स्वास्थ्यबारे जानकारी दिने व्यानर तथा प्लेकार्ड बोकेका थिए ।
‘अहिले पनि मुख स्वास्थ्यको महत्वबारेमा धेरैलाई थाहा छैन । मुख स्वास्थ्यमा ध्यान नदिदा कतिपय व्यक्तिहरु ठूला रोगहरुको चपेटामा पर्ने गरेका छन् ।
विश्व मुख स्वास्थ्य दिवसको अवसरमा आज हामीले आम जनमानसलाई यसबारे सचेतना फैलाउने उदेश्यले प्रभातफेरीको आयोजना गरेका हौँ,’ केडीसीका अध्यक्ष डा बुद्धिमान श्रेष्ठले भने ।
आज २० मार्च अर्थात विश्व मुख स्वास्थ्य दिवस संसार भर मनाइएको छ । यसबर्षको नारा ‘ह्याप्पी माउथ इज ह्याप्पी बडी’ राखिएको छ ।
