रसुवा – नेपाल र चीनसँगको अन्तर्राष्ट्रिय व्यापारिक नाका रसुवागढीमा चीनको सहयोगमा मितेरी पुल निर्माणको काम सुरु भएको जिल्ला प्रशासन कार्यालय रसुवाले जनाएको छ ।
रसुवाका प्रमुख जिल्ला अधिकारी अर्जुन पौडेलले रसुवागढी नाकामा बेलिब्रिज निर्माणका लागि चीनीयाँ पक्षले आबस्यक प्रकृया अगाडि बढाएको जानकारी गराएको बताउनुभयो ।
गत असार २४ गते लेन्देखोलामा आएको बाढीले पक्की पुल बगाएसँगै हाल अस्थायी रुपमा संन्चालनमा ल्याउने गरि बेलिबृज निमार्ण गर्न लागिएको हो ।
चिनियाँ टोलीले निर्माणको कामलाई तीव्रता दिने र आगामी भदौ ३० गते सम्ममा रसुवागढी नाकामा पुल निर्माण भइ संन्चालनमा आउने जानकारी चीनियाँ पक्षले गराएको प्रमुख जिल्ला अधिकारी पौडेलको भनाई छ ।
चीन सरकारकै सहयोगमा रसुवागढी स्याफ्रुबेसी सडक निमार्ण गर्दा २०७६ जेठमा निमार्ण सम्पन्न गरि सञ्चालनमा आएको उक्त पुल गत असार २४ गते लेन्देखोलामा आएको बाढीले बगाएसँगै दुई देश बीचको सडक सञ्जाल टुटेको छ ।
यसैबीच रसुवागढी नाका जोड्ने स्याफ्रु–रसुवागढी सडक सञ्चालनमा आएको छ ।
