काठमाडौँ – प्रधानमन्त्री वालेन्द्र शाह (बालेन)ले रसुवाको भोटेकोशी नदीको बाढीका कारण निम्तिएको संकट समाधान गर्न देशका सुरक्षा निकायका प्रमुखहरूसँग छलफल थालेका छन् ।
उनले केही बेरअघि प्रधान सेनापति अशोकराज सिग्देलसँग छलफल गरेका थिए । प्रधामन्त्रीको सचिवालयका अनुसार छलफलमा प्रधानमन्त्री शाहले हालसम्म भएका खोज, उद्धार, राहत तथा व्यवस्थापनका मामिलामा ब्रिफिङ लिएका थिए ।
सचिवालयका अनुसार प्रधानमन्त्री शाहले अब केहीबेरमा सशस्त्र प्रहरी बल, नेपालका महानिरीक्षक नारायणदत्त पौडेलसँग ब्रिफिङ लिँदै छन् ।
यसैगरी नेपाल प्रहरीका महानिरीक्षक दानबहादुर कार्कीसँग पनि आजै ब्रिफिङ लिने सचिवालयले जनाएको छ ।
अहिले प्रभावित क्षेत्रमा तीनवटै सुरक्षा निकायका २० हजार बढी सुरक्षाकर्मी परिचालित छन् ।
प्रतिक्रिया
सम्बन्धित समाचार
