कुराकुरी

सांसद मात्रै होइन प्रधानमन्त्री बन्ने रे ! शंख फुक्दैमा बाहुन हुने भए वेद किन पढ्नु पर्‍यो, होइन त ?हो त नि ! चिन्नु न जान्नु घचेडी माग्नु भने जस्तै स्याँउ स्याँउति निस्के मिडियाका भेडियाका आडमा । फेरी हुम्ला जुम्ला जस्ता विकटमा होइन, राजधानी मै । हा.हा.हा केही गर्न नै आँट आएको भए त्यतै जान्छन् नि, पण्डाको फन्दामा फसेर ज्ञान फुरेका फुलौरा हुन् यी । फुल्न देउ फुल्न देउ । लङ्काको डंकाले यिनीहरु चुहिने भए ।
गफ यस्तै चल्दै थियो, चिया साउनीले पनि डंका पिटिन् ‘ए काजी सापहरु आजदेखि त चिया कपको पच्चीस रुपैयाँ भो नि आजैदेखि । एकछिन गफमा ब्रेक लाग्यो एकै छिनमा सबै गलल हाँसे यहाँको चलन नै यस्तै ।

-युवराज मैनाली