जनकपुरधाम । प्रदेश २ का मुख्यमन्त्री लालबाबु राउतको फेसबुक पेज र मुख्यमन्त्री सञ्चार सचिवालयको पेज ह्याक गरिएको छ ।

शुक्रबार विहान मुख्यमन्त्री राउतको नाममा रहेको ‘सिएम लाल बाबु राउत’ नामक फेसबुक पेज र उहाँको कार्यालय अन्तर्गत रहको ‘मुख्यमन्त्री सञ्चार सचिवालय’ पेज एकसाथ ह्याक गरिएको हो । मुख्यमन्त्री सचिवालयका कर्मचारी आतेश मिश्रले बिहान ९ बजेतिर दुबै पेज एकाएकी ह्याक भएको जानकारी दिए ।  ‘प्रदेश १ को धरानबाट यो पेज ह्याक भएको पाइएको छ,’ उनले भने, ‘थप अनुसन्धान साइबर क्राइमको टोलीले शुरु गरिसकेको छ ।

मुख्यमन्त्री राउतको नाममा रहेको पेजमा अहिले कभर र प्रोफाइल फोटोमा युवतीको फोटो राखिएको छ । प्रोफाइल फोटोमा  मुख्यमन्त्री सञ्चार सचिवालयको फेसबुकमा चाइनिज भाषाको प्रयोग गर्दै युवतीको फोटो राखिएको हो ।